Skiweekend 2017 in Adelboden der Aktiv-Riege & OB35 Club - STV Obergoesgen

Direkt zum Seiteninhalt

Skiweekend 2017 in Adelboden der Aktiv-Riege & OB35 Club

Aus den Riegen > Aktivriege & OB35-Club
Wenn au s Vogulisi zum Surfbrätt griift…

S esch weder mol sowitt gse.
Wenn d Obergösger Turner d Ski ufs Dach schnalle heisst Skiweekend- Time.
20 Turner händ sech au das Johr ufe Wäg nach Adubode gmacht. Vom 17. – 19. März esch s Bärgdörfli  ganz e Gösger Hand gse.
Sind die einte doch scho am Friti Morge is Oberland greist, send ere zwöite u dritte Etape de Rest au no as Ziel cho.
Be stau blauem Himmu und super Piste hend die einte scho mol e super Tag uf de Piste verbrocht.
Nachem Zämezug im Hotel hämmer üs gmeinsam ufe Wäg zum Znacht im Dorf gmacht, wobi doch de eint oder ander sech scho es zünftigs Apéro gönnt het ;)
Be toller Stimmig und eme usglassne Obe hemmer üs de no is Bodner Nachtläbe gstürzt, was be de einte doch ebetz länger duret het.
Hed me doch gwüsst das de lieb Petrus s ned so guet med üs wird meine, heders de au umgsetzt.
E voila- am 8ti zum Näschd us, heds fo denn ah nur no einisch grägnet a dem Dag, was s Skifahre liecht unmöglich gmacht het. Med eme Surfbrätt wäre mer dütlich besser bedient gse.
Nichts desto trotz si d Obergösger ned d Obergösger, wenn si ned glich s Beschde us dem Dag würde mache.
Nach ahfängliche Versüech med Bowiling, was dör d Usbuechig vom Sportzentrum leider ned hed chöne duregfüert wärde, hed me sech halt churz um umentschlosse, und das hed sech de au glohnt, u wie….
„ Chom, mer geu doch ad Stubete e de Aebi Bar, do möche mer scho es Fäschdli druus“, se Stimme ufcho, und churz um semmer med es paar Taxifahrte ed Aebi verschobe.
Heds doch die eine oder andere gha, wo do ned so lust gha hend, hend sech au die e gmüetliche Dag im Adelbodner Dorf chöne mache.
Er Aebi- Hütte ahcho, be glassner Stimmig, eschs de ufzmol e rächti Chöubi gse dört enne, natürli hed do üses Metgled, de Giroud Nicu no es paar Stück uf de E-Gitarre müese vom Beste geh, da loht sech e Gösger ned lo entgoh. U wär d Wält ned gross gnue, trifft me plötzlich no es paar verlofni Obergösger ah, wo sech doch au be dem Wätter ned de Spass hend lo neh, gäu Houzworm ;)
Bes spoht i Obe esch gfiiret, glachet u gsunge worde, bes mer de dr Rückwäg uf Adubode ih Agriff gno hed. Nur eis esch z säge, au dert obe, wärsch med em Sörfli besser bedient gse.
 
Bem gmeinsame Znachtässe im Dorf hemmer üs de nomol es Vogellisi Nachtläbe gworfe.
So heimer am Sontig nach eme gmüetliche Zmorge, leider ohni Skispass für die einte, d Heireis uf Obergösge i Ahgriff gno.
Schad esch gse, heimer üs doch so uf tolli Schwüng im Schnee gfreut.
Trotzdem, es esch e wortwörtlich füecht fröhlichs Wochenänd gse bem Lisi.
Und s hed mer wedr einisch meh zeigt, d Meschig fo Jung u Jung blebne  i some Verein esch eifach super. So machts eifach resig Spass.
Grande Gösger Turnerfamilie!
Do macht me no us jedem Bronz e super Sach druus.
 
E freue mi uf jede fall scho jetz ufd Usgab 2018.
 
Turnerischi Grüess
Kusi 
Zurück zum Seiteninhalt